Löggudólgur dæmdur í hálfs árs skilorðsbundið fangelsi

Tvíttugur karlmaður var í Héraðsdómi Norðurlands eystra í dag dæmdur í hálfs árs fangelsi sem skilorðsbundið er til þriggja ára fyrir að hafa í tvisvar á rúmum tveimur mánuðum í sumar ráðist á lögreglumenn við skyldustörf.

Fyrra atvikið átti sér stað þann 10. júní við frystihúsið við Hafnargötu á Grenivík. Þar ýtti maðurinn við lögreglumanni þegar sá síðarnefndi hugðist taka skráningarmerki af bifhjóli mannsins. Jafnframt réðst hann á annan lögreglumann og tók hann hálstaki þegar reynt var að handtaka hann. Beit maðurinn annan lögregluþjónanna í handlegginn í átökunum.

Í síðara tilvikinu, sem átti sér stað þann 18. ágúst í Stykkishólmi í sumar, kom hann aftan að lögreglumanni og reif í tækjabelti hans ásamt því að vera með ógnandi framkomu þegar lögreglumaðurinn var að ræða við ökumann bifreiðar við almennt umferðareftirlit. Þá reyndi hann að sparka í andlit annars lögreglumanns þegar hann hugðist ræða við manninn inni í lögreglubifreið eftir handtöku.

Maðurinn viðurkenndit brot sín fyrir dómi en með þeim rauf hann skilorð dóms sem hann hlaut í fyrra. Þar sem maðurinn hafði ekki verið sakfelldur áður fyrir ofbeldisbrot og með tillti til aldurs hans og sakaferils að öðru leyti þótti dómnum rétta að skilorsbinda dóminn.