Aguilera kaupir hús Osbourne hjónanna

Ozzy Osbourne og eiginkona hans Sharon hafa selt hús sitt í Beverly Hills þar sem raunveruleikaþættirnir um fjölskylduna voru teknir upp. Það var ólétta poppstjarnan Christina Aguilera sem keypti af þeim húsið á tæplega 750 milljónir íslenskra króna.

Osbourne hjónin eru þó langt frá því að vera heimilislaus en þau hafa fest kaup á 780.000 milljón króna villu í Hidden Hills, nærri Los Angeles. Nýja heimilið skartar 6 svefnherbergjum, tíu baðherbergum og sundlaug. Þá eru nágrannarnir ekki af verri endanum en meðal annars má nefna bondgelluna Denise Richards, Friendsleikarann, Matt Le Blanc og svo Lisu Marie Presley.