Salma Hayek orðin léttari

Leikkonan Salma Hayek og unnusti hennar Francois-Henri Pinault hafa eignast litla dóttur sem hefur fengið nafnið Valentina Paloma Pinault. Að sögn Cari Ross, upplýsingafulltrúa parsins, heilsast móður og barni vel.

Valentina er fyrsta barn hinnar 41 árs gömlu leikkonu en Pinault sem er 45 á tvö börn af fyrra hjónabandi.

Hayek hefur haft í nógu að snúast undanfarið en hún er framleiðandi sjónvarpsþáttanna Ugly Betty auk þess sem hún fer með gestahlutverk í þeim.

Leikkonan sagði í viðtali við tímaritið Marie Claire á dögunum að móðurhlutverkið væri ekki fyrir alla. "Það er fyrir mig en mér finnst að konur ættu alls ekki að ana út í það að eiga börn.

Unnustu Hayek er framkvæmdastjóri PPR SA sem á vörumerki á borð við Gucci, Yves Saint Laurent og Puma.