Hnefaleikaforkólfur ákærður fyrir líkamsárás

Í Héraðsdómi Reykjavíkur í morgun var þingfest ákæra á hendur 45 ára karlmanni sem gefið er að sök að hafa ráðist á 37 ára karlmann á veitingastaðnum Classic Rock með hnefahöggum með þeim afleiðingum að sá sem ráðist var á hlaut heilahristing.

Maðurinn neitaði sök þegar hann var inntur eftir afstöðu sinni til ákærunnar í morgun.

Athygli vekur að ákærði var lengi í fararbroddi þeirra sem vildu lögleiða box og hlaut meðal annars dóm í Hæstarétti árið 1999 fyrir að þjálfa hnefaleika áður en íþróttin var lögleidd hér á landi.