Úrskurðaðir í gæsluvarðhald grunaðir um kókaínsmygl

Um 1800 millítrar af kókaíni í fljótandi formi fundust við húsleit í Laugarneshverfi síðdegis í gær. Tveir menn hafa verið úrskurðaðir í fjögurra daga gæsluvarðhald vegna málsins.

Málið hefur verið í rannsókn um nokkra hríð og hefur fíkniefnalögreglan verið í samstarfi við bandarísku fíkniefnalögerglunnar DEA en efnið er talið koma frá Suður Ameríku.

Fjöldi sérsveitarmanna og óeinkennisklæddra lögreglumanna réðust inn í húsið í Laugarneshverfi, að sögn sjónarvotta, búnir alvæpni og gerðu þar húsleit síðdegis í gær en hafði áður fylgst með húsinu daglangt. Í kjölfar húsleitarinnar voru karlmennirnir tveir handteknir sem og ein kona en henni hefur nú verið sleppt úr haldi. Hún er ekki talin tengjast málinu.

Mennirnir, annar á fertugsaldri og hinn um fertugt voru í dag úrskurðaðir í gæsluvarðhald til 26. september. Að því er heimildir fréttastofu herma hafa þeir ekki komist í kast við lögin áður. Að sögn lögreglu tengist málið ekki smyglmálinu á Fáskrúðsfirði.