Fjórtán handteknir í höfuðborginni

Fjórtán voru handteknir í höfuðborginni í nótt fyrir brot á lögreglusamþykkt sem er mun minna en síðustu helgar. Segja lögreglumenn það bera vott um að herferð lögreglu í borginni sé að skila árangri.

Einn maður var handtekinn þar sem hann hafði misst stjórn á bifreið sinni á Rauðarárstíg og hafnað utan í vegriði, en maðurinn var ofurölvi. Hann gistir nú fangageymslu.

Þá elti lögreglan annan mann uppi sem hljóp úr bifreið sinni eftir að lögregla hafði staðið hann að því að aka gegn rauðu ljósi. Þegar lögregla náði manninum brást hinn ókvæðasti við, hrækti á lögreglu og barðist um. Maðurinn sem var töluvert ölvaður og var hann færður í járnum á lögreglustöð.

Þá handtók lögregla 6 til viðbótar fyrir ölvunarakstur.