Vilja koma á fót jarðskjálftasetri á Kópaskeri

Hugmyndir eru uppi um að setja á fót jarðskjálftasetur á Kópaskeri sem hæfi starfsemi strax næsta vor. Eftir því sem fram kemur á vef Norðurþings fundaði áhugahópur um málið í lok ágúst og er hugmyndin sú að útgangspunkturinn verði Kópaskersskjálftinn 1976 og smám saman verði dregið inn meira af atburðarásinni frá Kröflu og norður í Kelduhverfi frá 1975.

Áætlað er að fyrsti áfangi verkefnisins líti dagsins ljós í vor þegar opnuð verður sýning með upplýsingum og útskýringum í máli og myndum. Búið er stofna sérstakan sex manna undirbúningshóp og verður Ragnar Stefánsson, jarðskjálftafræðingur og formaður Landsbyggðin lifir, faglegur ráðunautur verkefnisins.