Töf á skráningu hlutafjár Straums í evrum

Töf verður á fyrirhugaðri skráningu hlutafjár Straums í evrum vegna lögfræðilega athugasemda sem Seðlabankinn gerði um framkvæmdina. Forsvarsmenn Straums vísa því alfarið á bug að Seðlabankinn reyni að setja félaginu hömlur í þessum efnum.

Einar Sigursjónsson forstjóri Verðbréfaskráningar Íslands segir bæði lögfræðilegar og tæknilegar athugasemdir hafa borist frá Seðlabanka Íslands í síðustu viku um fyrirhugaða skráningu hlutafjár Straums í evrum. Straumur hafði ákveðið að láta af því verða, fyrstur íslenskra banka þann 20. september en líklegt er að töf verði á því. Einar vísar því alfarið á bug að Seðlabankinn hafi verið að setja Straumi hömlur hvað þetta varði. Hann segir Verðbréfaskráningu, lögfræðinga Straums og Seðlabankann þurfa fara yfir málin og þau verði leyst sem fyrst. Jóhanna Vigdís Guðmundsdóttir yfirmaður samskiptasviðs hjá Straumi tekur í sama streng og Einar og segir athugasemdir Seðlabankans engu breyta um áform Straums um að færa hlutafé í evrur, enda þjóni það langtímahagsmunum og hluthöfum bankans.