Britney þarf að gangast undir regluleg lyfjapróf

Dómari hefur skipað svo fyrir að Britney undirgangist lyfjapróf tvisvar í viku til að hægt sé að ganga úr skugga um hvort hún hafi neytt áfengis eða vímuefna. Þá er henni gert að ráða til sín foreldraráðgjafa sem á að dvelja hjá henni átta tíma á dag ef hún vill freista þess að halda börnum sínum þeim Sean Preston og Jayden James.

Hjónin fyrrverandi, þau Spears og Kevin Federline, deila nú forræðinu yfir drengjunum en Federline hefur farið fram á því verði skipt 70/30 honum í hag.

Dómarinni Scott M. Gordon sagði eftir að hafa kynnt sér gögn í málinu að ljóst væri að söngkonan væri bæði háð áfengi og vímuefnum og að neysla hennar væri stjórnlaus. Dómarinn hefur einnig gert Federline að sækja foreldranámskeið.

Skipunin sem gefin var út á mánudag segir til um að hvorki Spears né Federline megi drekka áfengi né nota vímuefni í návist drengjanna. Hafi þau gert það verða að líða 12 tímar þar til þau sinna þeim.

Báðum foreldrum er bannað að tala illa um hvort annað fyrir framan börnin og þau mega ekki beita líkamlegum refsingum.