Vanhæfur?

Bæjarstjórn Kópavogs hefur falið bæjarlögmanni að kanna hvort eðlilega hafi verið staðið að ráðningu aðstoðarskólastjóra í bænum.

Málið snýst um ráðningu aðstoðarskólastjóra Smáraskóla. Þegar málið kom inn á borð bæjarstjórnar sá Gunnar I. Birgisson bæjarstjóri ástæðu til að fela bæjarlögmanni að kanna hæfi Samfylkingarmannsins Þórs Ásgeirssonar, en hann og aðstoðarskólastjórinn eru systkinabörn.

Tillaga bæjarstjórans samþykkt einróma. Gunnar I. Birgisson bæjarstjóri sagði í samtali við fréttastofuna að eitt skuli yfir pólitíska fulltrúa ganga. Samfylkingin hafi lagt áherslu á hæfisreglur og því sé eðlilegt að bæjarlögmaður kanni hvort fulltrúi Samfylkingarinnar í skólanefnd hafi virt þessar sömu reglur.

Með því á Gunnar við kröfur Samfylkingarinnar um að hann og formaður bæjarráðs vikju sætu út af hesthúsum í Glaðheimum á sínum tíma vegna náinna tengsla eigendur þar. Þór Ásgeirsson vildi ekki tjá sig um málið á meðan það væri í höndum bæjarlögmanns. Formaður skólanefndar sagði málið í ákveðnum farvegi og ágætt væri að fá úrskurð þar um með tilliti til fordæmis.