Borgarstjóri vinnur gegn stefnunni

Ungir sjálfstæðismenn telja Vilhjálm Þ. Vilhjálmssonar borgarstjóra vinna gegn sjálfstæðisstefnunni. Máli sínu til stuðnings nefna þeir nokkur mál sem borgarstjóri hefur staðið að, svo sem „klámráðstefnumálið, afskipti af ÁTVR og spilakassamálið svokallaða," eins og segir í ályktun um innanríkis- og stjórnsýslumál. Ályktunin var samþykkt á þingi SUS sem lauk í gær. Þá segja ungir sjálfstæðismenn það ekki samrýmast stefnu Sjálfstæðisflokksins að niðurgreiða samgöngufaramáta einstakra hópa.

Í sömu ályktun er hörmuð sú ákvörðun Sigrúnar Bjarkar Jakobsdóttur, bæjarstjóra Akureyrarbæjar, að meina ungu fólki aðgangi að tjaldstæðum bæjarins um verslunarmannahelgi. Þetta hafi verið óverjandi ákvörðun sem stangist á við grunnhugmyndir sjálfstæðismanna og sjálfstæðisstefnuna.

Á þingi SUS var Þórlindur Kjartansson kjörinn formaður sambandsins til tveggja ára.