Hjörvar Steinn ósigraður á Evrópumóti ungmenna

Skákmaðurinn ungi Hjörvar Steinn Grétarsson er efstur ásamt fjórum öðrum með fullt hús vinninga á Evrópumóti ungmenna skák sem fram fer í Zagreb í Króatíu. Fram kemur í tilkynningu að Hjörvar, sem teflir í flokki 14 ára og yngri, hafi sigrað Þjóðverjann Felix Graf í 3. umferð mótsins í dag.

Hallgerður Helga Þorsteinsdóttir, sem teflir í flokki stúlkna 16 ára og yngri, sigraði einnig í dag en Sverrir Þorgeirsson, sem einnig teflir í flokki 16 ára og yngri, tapaði. Sverrir hefur 1 vinning en Hallgerður 1,5 vinning.

Fjórða umferð fer fram á morgun. Þá teflir Hjörvar við rússneska alþjóðlega meistarann Sanan Sjugirov sem er næststigahæsti keppandinn í flokki Hjörvars