Veskjum vistmanna í Hlaðgerðarkoti stolið í nótt

Brotist var inn í meðferðarheimilið Hlaðgerðarkot í Mosfellsdal einhvern tíma í nótt og veskjum nokkurra vistmanna þar stolið. Veskin voru geymd í hirslum í vaktmannsherbergi en svo virðist sem þjófurinn hafi komið utan frá og náð að hafa veskin á brott án þess að nokkur yrði hans var. Ekki liggur fyrir hversu mikla fjármuni þjófurinn komst á brott með.

Lögreglu grunar hver var þarna á ferðinni og leitar hans nú. Hún vildi hins vegar ekki gefa upp hvort sá aðili þekkti til á staðnum. Hlaðgerðarkot er meðferðarheimili fyrir áfengis- og vímuefnasjúkling sem Samhjálp hefur verið rekið frá árinu 1973.