Hátíðahöld vegna 60 ára afmælis Selfoss

Selfyssingar fagna sextíu ára afmæli bæjarins í dag en Ragnheiður Hergeirsdóttir, bæjarstjóri í Árborg, setti afmælishátíðina í Sigtúnsgarðinum í gærkvöldi.

Hátíðin stendur yfir alla helgina og eru dagskráliðir af ýmsum toga, meðal annars er boðið upp á rjúkandi kjötsúpu, tónlist og ýmsa menningarviðburði. Sniglabandið mun leika fyrir Selfyssinga um helgina og landsmenn alla því spilamennska þeirra verður í beinni útsendingu á rás 2. Frítt verður í strætó á Selfossi. Það er rakið tækifæri fyrir þá sem vilja kynnast bænum nánar en algengt er að aðkomumenn fari lítið út fyrir þjóðbrautina sem liggur í gegnum Selfoss.