Efast um ritsnilld Shakespears

Bresku leikararnir Sir Derek Jacobi og Mark Rylance hafa ýtt úr vör umræðu í Bretlandi um það hvort William Shakespear hafi í raun skrifað þau leikrit sem hann er skráður fyrir. Tæplega þrjú hundruð manns hafa nú þegar skrifað undir yfirlýsingu þar sem stórlega er efast um að svo sé.

Að mati efahyggjumanna er hæpið að Shakespear hafi haft næga þekkingu til að skrifa þau leikrit sem hann er skráður fyrir. Benda þeir meðal annar á að Shakespear hafi alist upp hjá ómenntaðri fjölskyldu og að önnur opinber skrif sem eftir hann liggja bendi ekki til þess að hann hafi skrifað leikritin.

Að mati leikarans Sir Derek Jacobi er mun líklegra að aðalsmaðurinn Edward de Vere hafi skrifað leikritin og fengið nafn Shakespears að láni sem skálkaskjól. Bendir Sir Derek meðal annars á það skýri meðal annars innsýn höfundar inn í heim aðalsmanna.

Aðrir sem einnig eru taldir líklegir höfundar að leikverkum Shakespears eru þeir Christopher Marlowe og Francis Bacon.