Doherty gefur kettinum sínum krakk

Vinir dóphaussins Pete Doherty fengu á dögunum nóg af illri meðferð söngvarans á litlum kettlingi sem hann hefur gert háðan krakki. Þeir ákváðu því að leka mynd afhonum og kettinum á netið.

Söngvarinn hefur hannað litla pípu og sést hann á myndinni leggja hana yfir vit kattarins og láta hann anda reiknum að sér. Vinirnir segja söngvarann stunda þetta reglulega og segja óhugnanlegt að sjá köttinn líða útaf í vímu. Þeir segja hann auk þess vera farinn að sýna fráhvarfseinkenni og er jafnvægisskyn hans úr skorðum. Kötturinn virðist einnig upplifa ofskynjanir og tekur mikla áhættu með því að hoppa yfir miklar hæðir og virðist telja sig geta flogið.

Að sögn vinanna hefur Doherty gefið þá skýringu á háttarlaginu að kötturinn sé sá eini sem skilji hvað hann er að ganga í gegnum og auk þess finnst honum mjög fyndið að sjá hann í vímu.

Þessi allt annað en geðþekki maður er nú sagður vera í meðferð til að komast hjá fangelsisvist fyrir vörslu fíkniefna og aksturs undir áhrifum.