Nektarmynd með hinni átján ára Vanessu Hudgens, sem hefur skotið hratt upp á stjörnuhimininn eftir að hafa gert það gott í High School Musical þáttaröðinni, hefur verið lekið út á netið. Á myndinni sést Hudgens kviknakin á hótelherbergi.
Talsmaður stúlkunnar hefur staðfest að myndin sé af Hudgens en segir hana hafa verið tekna í persónulegum tilgangi og harmar að hún liggi nú fyrir augum almennings.
Hudgens hefur hingað til gefið sig út fyrir að vera stillt og prúð. Henni finnst skemmtilegast að vera með vinum sínum og horfa á bíómyndir með mömmu sinni og systur.
