James Bond stjarnan Daniel Craig mun vera genginn út. Hann ku hafa trúlofast kærustu sinni, kvikmyndaframleiðandanum Satsuki Mitchell fyrir helgina. Mun hann hafa farið á hnéin á meðan skötuhjúin voru í frí á Ítalíu í síðustu viku.
Það hefur vakið athygli að Mitchell skartar nú stórum demantshring á baugfingri. Hinn 39 ára gamli Craig hefur verið giftur áður og á eina dóttur frá því hjónabandi. Hann skildi við fyrri konu sína, Fionu Louden, árið 1994.
