Davíð dómaradólgur er margdæmdur

Davíð Smári Helenarson, sem braut þrjú rifbein í knattspyrnudómara fyrr í vikunni eftir að hafa verið sýnt rauða spjaldið í leik í utandeildinni,

er með dóma á bakinu fyrir líkamárásir og fyrir að hafa veist að lögreglumönnum og hótað þeim lífláti.

Auk þessara dóma hefur Davíð Smári verið viðriðinn fjölda annarra líkamárása sem ekki hafa verið kærðar til lögreglu líkt og árás hans á skemmtikraftinn Sveppa í miðbæ Reykjavíkur sem gerði það að verkum að Sveppi þurfti að leika í barnaleikritinu Kalli á þakinu með glóðarauga.

Davíð Smári var síðast í desember á síðasta ári dæmdur í Héraðsdómi Reykjavíkur í 60 daga skilorðsbundið fangelsi fyrir að hafa veist að tveimur lögreglumönnum, hrint öðrum þeirra þannig að hann féll í jörðina og hótað þeim báðum lífláti.