Kannski var þetta skrifað í stjörnurnar segir Jóhann Páll

"Kannski var þetta skrifað í stjörnunar," segir Jóhann Páll Valdimarsson um tilurð Forlagsins sem nú hefur verið stofnað. Jóhann Páll verður útgefandi og hann segir það ánægjulegt fyrir sig að hans gamla útgáfa, Forlagið, er nú gengin í endurnýjun lífdaga..."að ýmsu viðbættu."

Jóhann Páll segir að Forlagið verði stærsta bókaútgáfa sem mynduð hefur verið í landinu til þessa. "Erfiðleikar í bókaútgáfu almennt undanfarin ár sýn að menn verða að halda vel á spöðunum og vanda sig svo dæmið geti gengið upp," segir Jóhann Páll. "Við ætlum okkur að vera öflugir og gera góða hluti."

Aðspurður um frumkvæðið að stofnun Forlagsins segir Jóhann að menn hafi byrjað að tala saman fyrir sólarhring síðan og síðan hafi hlutirnir gengið mjög hratt fyrir sig. "Þetta er niðurstaðan og ég er ánægður," segir hann.