Harry segir Díönu hafa verið bestu mömmu í heimi

Harry prins hélt ræðu í minningarathöfn um Díönu móður sína sem fram fór í Guards Chapel í Lunúnum í dag. Hann sagði hana einfaldlega hafa verið bestu mömmu í heimi.

Í ræðunni þar sem hann rifjar upp minningar sínar og bróður síns Williams segir hann móður þeirra hafa verið góðhjartaða, elskulega, jarðbundna og algörlega einstaka. Hann vonar að hennar verði minnst þannig.

Ræða hans snerti marga sem í athöfninni voru og felldu ófáir tár. Að ræðunni lokinni stóðu gestir upp og klöppuðu. Harry sagði þá bræður hugsa um móður sína á hverjum degi. "Hún gerði okkur og svo marga aðra hamingjusama. Hún var verndari okkar og vinur."