Innlent

Óvilhallir matsmenn kallaðir til í olíumálinu

Björn Gíslason skrifar

Héraðsdómur Reykjavíkur úrskurðaði í morgun að kallaðir skyldu til óvilhallir matsmenn í máli stóru olíufélaganna á hendur Samkeppniseftirlitinu.

Málið hefur verið allnokkurn tíma fyrir dómi. Í því fara olíufélögin þrjú, Ker, Olíuverslun Íslands og Skeljungur, fram á úrskurður áfrýjunarnefndar samkeppnismála verði felldur úr gildi og til vara að felld verði úr gildi eða lækkuð eins og hálfs milljarðs stjórnvaldssekt sem félögunum var gert að greiða vegna ólöglegs samráðs.

Olíufélögin lögðu í upphafi árs fram matsgerð um ávinning af samráðinu. Við það mat sætti Samkeppniseftirlitið ekki og fór fram á það að gerð yrði yfirmatsbeiðni og matsbeiðni. Fór því eftirlitið fram á að annars vegar yrðu dómkvaddir tveir óvilhallir matsmenn vegna síðarnefndu beiðnarinnar en þrír óvilhallir matsmenn vegn yfirmatsbeiðnarinnar.

Lögmenn olíufélaganna héldu því hins vegar fram að báðar beiðnir væru í andstöðu við meginreglur einkamálaréttarfars um munnlegan málflutning. Þá töldu þeir spurningar til matsmanna vera óljósar og ekki tækar til mats.

Héraðsdómur komst hins vegar að því að þótt matbeiðnirnar væru í löngu máli þá væru þær skýrar og matsspurningar sömuleiðis. Því væri ekki hægt að hafna dómkvaðningunni.

Mest lesið


Fleiri fréttir

Sjá meira


×

Mest lesið