Dagur B. fær Björn til að brosa

Björn Bjarnason, dómsmálaráðherra, segir á heimasíðu sinni að sér finnist broslegt að sjá Dag B. Eggertsson, borgarfulltrúa Samfylkingarinnar, telja hlutafélagsáform Orkuveitunnar til stórtíðinda. Björn minnir á að samfylkingarfólk í borgarstjórn hafi á sínum tíma barist fyrir því að gera fyrirtækið að hlutafélagi og ráðherrann spyr hvort Dagur ætli virkilega að vera á móti í málinu.

„Á sínum tíma barðist samfylkingarfólk í borgarstjórn fyrir þessari skipan en komst ekki framhjá vinstri/grænum, sem haga sér eins og naut fyrir framan rauða dulu, þegar þeir heyra minnst á hlutafélag um opinberan rekstur," segir Björn í pistli á heimasíðu sinni. Hann spyr síðan hvort Dagur ætli sér virkilega að beita sér gegn breytingunni, „Eða er hann bara svona æstur, af því að hann telur ekki rétt staðið að dreifingu fundargagna til sín."

Færslu Björns má lesa í heild sinni hér.