Wilson hættir við að leika í Tropic Thunder

Fregnir herma að Owen Wilson sem reyndi að fyrirfara sér á sunnudag sé hættur við að leika í nýjustu mynd sinni Tropic Thunder. Leikstjórinn Ben Stiller hefur samþykkt að hann dragi sig til baka en framleiðendur hjá Dreamworks pictures hafa ekkert viljað staðfesta.

Þá hefur meðleikari Wilsons, Steve Coogan, neitað ásökunum um að hann beri ábyrgð á sjálfsvígstilraun Wilsons en söngkonan Courtney Love hefur haldið því opinberlega fram að hann hafi haft slæm áhrif á Wilson og kynnt hann fyrir heimi fíkniefna. Love sem einu sinni átti í ástarsambandi við Coogan segist halda að lífstíll hins breska leikara hafi átt stóran þátt í að afvegaleiða Wilson.

Coogan hefur sent frá sér yfirlýsingu vegna ásakananna og segir þær tilefnislausar, særandi og að þær séu ekki til þess fallnar að hjálpa Wilson. "Hugur minn er hjá vini mínum Wilson á þessum erfiðu tímum," segir Coogan.