Ný íþrótta- og tónleikahöll tekin í notkun

Ný íþrótta- og tónleikahöll við Vallakór í Vatnsendahverfi, sem meðal annars mun hýsa Knattspyrnuakademíu Íslands, verður tekin í notkun við hátíðlega athöfn á laugardaginn kemur.

Húsið sem er með stærstu mannvirkjum sinnar tegundar hér á landi og uppfyllir staðla Alþjóðaknattspyrnusambandsins, FIFA, eftir því sem segir í tilkynningu frá Kópavogsbæ.

Meðal þeirra sem verða viðstaddir opnunina og ávarpa gesti eru Þorgerður Katrín Gunnarsdóttir menntamálaráðherra, Gunnar I. Birgisson, bæjarstjóri í Kópavogi, Logi Ólafsson, fyrir hönd Knattspyrnuakademíunnar, og Geir Þorsteinsson, formaður KSÍ.