Owen tók inn heróín áður en hann reyndi sjálfvíg

Nýjustu fregnir herma að gamanleikarinn Owen Wilson hafi reynt að stytta sér aldur eftir þriggja daga samfellda fíkniefnaneyslu. Samkvæmt heimildum Daily mirror tók hann inn mikið magn af svokölluðu hillbilly heróíni sem er sagt ódýrt og mjög ávanabindandi. Efnið hefur dregið þúsundir bandaríkjamanna til dauða. Hann mun einnig hafa tekið inn amfetamín.

Læknar þurftu að sprauta leikarann með öflugu mótefni til að bjarga lífi hans. Samkvæmt Daily mirror mun hann einnig eiga sögu um sjálfsskaðandi hegðun eins og að skera sig.

Vinir Wilsons segja hann hafa verið langt niðri undanfarna mánuði og hafa gefið í skyn að líðan hans tengist sambandsslitunum við Kate Hudson. Fjölmiðlar gera því skóna að Wilson hafi viljað binda enda á líf sitt eftir að hafa séð myndir af Hudson, sem hann hætti með í sumar, í faðmlögum við nýja kærastann Dax Shepard.