Dregið verði úr losun áburðar í Eystrasalt

Umhverfisráðherrar hinna norrænu ríkja leggja árherslu á að dregið verði úr skolun áburðar í Eystrasalt en þeir funduðu í dag og í gær í Finnlandi.

Fram kemur í frétt frá Norðurlandaráði að ráðherrarnir, þar á meðal Þórunn Sveinbjarnardóttir, hafi fjallað um ástand Eystrasaltsins og töldu þeir nauðsynlegt að koma á svæðisbundnu samstarfi milli ESB-ríkjanna og Rússlands með það að markmiði að minnka skolun áburðar í Eystrasaltið.

Ráðherrarnir voru einnig sammála um að norrænu ríkin ættu að vinna saman til að ná góðum árangri á loftslagsfundinum í Kaupmannahöfn árið 2009 þar sem ætlunin er ræða um nýjan loftlagssamning í stað Kyoto-bókunarinnar.