Kate Hudson í ástaratlotum við nýja kærastann í stórmarkaði

Kate Hudson, fyrrum kærasta Owens Wilsons, sem liggur nú á spítala eftir sjálfsmorðstilraun sást nýlega í ástaratlotum við leikarann Dax Shepard í stórmarkaði í Kaliforníu.

Lengi hafa menn velt vöngum yfir því hvort þau séu par en það fór víst ekkert á milli mála og náðust af þeim myndir þar sem þau bæði faðmast og kyssast innilega.

Owen og Kate hættu saman í sumar og ku Owen hafa verið í mikilli ástarsorg. Fjölmiðlar hafa gert því skóna að sambandsslitin séu ástæða þess að hann vildi binda enda á líf sitt. Parið kynntist við tökur á myndinni You, Me And Dupree og batt samband þeirra enda á hjónaband Kate við leikarann Chris Robinson. Kate og Owen voru saman í sex mánuði en Owen er sagður hafa slitið sambandinu sem hann síðan sá mikið eftir.