560 tré fjarlægð vegna vatnsveitulagnar í Heiðmörk

Nærri 560 tré voru fjarlægð við Þjóðhátíðarlund í Heiðmörk í tengslum við lagningu vatnslagnar á vegum Kópavogsbæjar fyrr árinu. Þetta kemur fram í skýrslu matsmanna sem Skógræktarfélag Reykjavíkur og Kópavogsbær létu vinna vegna málsins.

Bjarni Diðrik Sigurðsson prófessor og Ólafur E. Sæmundsson skógfræðingur voru beðnir um taka út hversu mörg tré hefðu verið fjarlægð, tegund þeirra og stærð. Úttekt var lokið í júníbyrjun og drög að skýrslu send Kópavogsbæ og Skógræktarfélagi Reykjavíkur til athugasemda áður en lokaeintaki um miðjan júní. Engar meiriháttarathugasemdir bárust en vegna sumarleyfa matsmanna dróst aðeins að skila lokaskýrslu en það var gert í dag.

Fram kemur í henni tré hafi raksast á um 0,36 hektara svæði og að 559 tré af fimm trjátegundum hafi verið felld í framkvæmdunum vegna vatnslagnarinnar. Voru trén allt að tólf metra há.

Skógræktarfélag Reykjavíkur bendir á í tilkynningu að Kópavogsbær hafi haldið því fram í fréttum Morgunblaðsins 20. febrúar að 90 tré hefðu verið verið fjarlægð úr Heiðmörk eða urðuð. Skógræktarfélagið taldi hins vegar að 1000 tré hefðu horfið. Matsmennirnir hafi verið kallaðir til vegna þessa ágreinings. Matsvæðið hafi verið afmarkað frá hraunbrún við Þjóðhátíðarlund og yfir það svæði sem Kópavogur taldi sig hafa farið inn á fyrir mistök.

Telja að 800-900 tré hafi verið fjarlægð

Skógræktarfélag Reykjavíkur bendir á að matsmenn hafi komist að þeirri niðurstöðu tæp 600 tré hafi horfið á því svæði sem var metið en ekki 90. Ekki hafi verið lagt mat á fjölda náttúrulegra birkitrjáa milli Þjóðhátíðarlundar og að brunnsvæðinu fyrir ofan enda hafi matsmönnum ekki verið falið það verkefni. Skógræktarfélagið telur að um 250 birkitré hafi tapast og heildartjónið sé því á bilinu 800-900 tré.

Í vor sendi Skógræktarfélagið kröfu á hendur Kópavogsbæ sem nam um 38 milljónum króna vegna tjónsins. Stjórn félagsins hefur enga ákvörðun tekið um aðra bótakröfu, segir í tilkynningunni.

Skýrslu matsmannanna í heild sinni má sjá hér að neðan.