Ólympía úr hættu

Rústir forna helgistaðarins Ólympíu á Grikklandi eru úr hættu. Svo virðist sem svæðinu þar sem fyrstu Ólypíuleikarnir voru haldnir hafi verið þyrmt í skógareldum sem brenna nú víða í Grikklandi. Logar munu aðeins hafa sleikt jaðar svæðisins þar sem þekkt menningarsöguleg verðmæti er að finna.

Slökkviliðsmenn segja Ólypíu úr hættu. Erfiðlega hefur gengið að hemja skógareldana. Evrópusambandsríki hafa sent slökkviliðsmenn til að hjálpa við slökkvistarfið og flugvélar sem nota á til að hella úr vatni yfir logana. Fimmtíu og einn hið minnsta hefur týnt lífi í eldunum.