Paris Hilton selur hús og skemmtun

Paris Hilton hefur selt hús sitt í Hollywood fyrir litlar 289 milljónir íslenskra króna og er hún sögð vilja finna sér heimili á stað þar ríkir meiri friður fyrir fjölmiðlum.

Húsið sem Hilton keypti á 197 milljónir íslenskra króna árið 2004 var á sölu í 10 daga. Bakgrunnur áhugasamra kaupenda var rannsakaður áður en þeir fengu leyfi til að skoða húsið sem skartar fjórum svefnherbergum, þremur baðherbergjum, sérstakri gestaálmu og sundlaug.

Þrátt fyrir að hafa hagnast umtalsvert á sölu hússins berast engu að síður fregnir af því að Hilton sem vill láta tittla sig athafnakonu reyni að græða peninga á öðrum vígstöðvum.

Samkvæmt New York Post býðst hún ásamt systur sinni Nicky Hilton til að mæta í hinar ýmsu veislur og tekur 34 milljónir fyrir.