Blunt hatar athyglina

Hjartaknúsarinn James Blunt sem hefur brætt mörg konuhjörtun með seiðandi söng sínum segist ekki vera hrifinn af allri athyglinni sem hann fær. Hann er eitt þekktasta andlit Bretlands nú um stundir og fær lítinn frið hvar sem hann kemur. Honum líkaði það svo illa að hann ákvað að flytja til Ibiza þar sem hann dvaldi síðasta vetur og bjót til nýja plötu.

"Ég hata athyglina og skil ekki frægt fólk sem reynir að vekja á sér athygli. Það er einhvers konar skrýtin fíkn. ég vil helst að enginn taki eftir mér. ég ætlaði mér alltaf að verða tónlistarmaður en allt hitt kom án þess að ég bæði um það," sagði Blunt sem seldi tólf milljón plötur af sinni fyrstu breiðskífu Back To Bedlam.