Ekkert pláss fyrir ástkonu í lífi Angelinu

Angelina Jolie segir ekkert pláss fyrir ástkonu í lífi sínu í dag. "Ég hef aldrei falið tvíkynhneigð mína, en síðan ég byrjaði með Brad, hefur hún ekki lengur sess í mínu lífi".

Fyrrverandi ástkona Jolie módelið, leikkonan og bifvélavirkinn Jenny Shimizu er ekki að kaupa það. Hún kynntist Jolie árið 1996 við upptökur á unglingamyndinni Foxfire. Áttu þær í ástarsambandi eftir það í nokkur ár.

Shimizu trúir ekki yfirlýsingum Angelinu um einkvæni og gagnkynhneigð. "Hún elskar konur of mikið. Þetta er eins og fíkniefni og hún var ánetjuð". sagði Shimizu í viðtali við breskt slúðurblað.