Pitt rétt slapp við réttarhöld

Brad Pitt var kallaður til kviðdómsskyldu í síðustu viku. Pitt hafði komið sér undan skyldunni nokkrum sinnum en neyddist til að mæta í dómshúsið í Los Angeles á fimmtudag.

Pitt átti ásamt 11 öðrum kviðdómendum að úrskurða um sekt manns sem tekinn hafði verið ölvaður undir stýri. Þegar Pitt var rétt nýbúinn að gera sig kláran í að sinna skyldum sínum ákvað sakborningurinn að taka sáttaboði frá saksóknara og því varð ekkert úr málinu.

Pitt gat þá andað léttar enda var búist við því að réttarhöldin gætu tekið nokkra daga. Hollywood sjarmörinn getur því snúið sér aftur að því að sinna börnum sínum og konu.