Stjörnufræðingurinn Brian May

Gítarleikari Queen, Brian may, hefur lagt fram doktorsverkefni sitt í stjörnufræði. May hóf doktorsnámið við Imperial College í London fyrir heilum 36 árum en lagði það til hliðar til að einbeita sér að ferli sínum með Queen. Hann hefur nú tekið upp þráðinn að nýju og stefnir ótrauður að doktorsgráðu.

Verkefnið kallar May „Radial Velocities in the Zodiacal Dust Cloud" og fjallar það um myndun rykskýja í Dýrahringnum. May hélt nýverið úti skoðunum á viðfangsefninu á Tenerife. May mun verja verkefnið þann 23 ágúst næstkomandi.