Berrösssuð í fimbulkulda í þágu umhverfisins

Bandaríski listamaðurinn Spencer Tunick hyggst nota óvenjulega listsköpun sína til að vekja athygli á loftslagsbreytingum. Tunick, sem er þekktastur fyrir að mynda berrassað fólk í stórum hópum á opinberum stöðum, leitar nú að sjálfboðaliðum til að hátta sig á svissneskum jökli.

Náttúruverndarsamtökin Greenpeace greina frá þessu á heimasíðu sinni. Þau segja að ef hlýnun jarðar heldur áfram með sama hraða og verið hefur verði flestir jöklar í Sviss bráðnaðir fyrir 2080.

Myndatakan verður í ágúst á jökli í Sviss sem greint verður frá síðar. Umhverfisvernd verður höfð í hávegum, því áhugasamir þáttakendur eru beðnir að skipuleggja ferðir sínar vel, nota almenningssamgöngur en fljúga ekki.

Líklega verður erfitt fyrir aðra en bestu sundmenn að hlýta þeim skilyrðum hérna, en áhugasamir geta skoðað síðu Greenpeace hér.