Mótmæla sölu lúxusíbúða á kostnað aldraðra

Meirihlutinn í borgarstjórn Reykjavíkur hefur snúið frá yfirlýstri stefnu sinni að auka þjónustuíbúðir fyrir aldraða að mati fulltrúa Samfylkingarinnar og Vinstri grænna í borgarstjórn. Þeir mótmæla því harðlega að selja megi íbúðir í Mörkinni til annarra en aldraðra.

Fram kemur í yfirlýsingu minnihlutans að brýn þörf er fyrir þjónustuíbúðir fyrir aldraða á höfuðborgarsvæðinu. Með því að falla frá ákvæði um forkaupsrétt aldraðra á íbúðum í Mörkinni hafi meirihluti borgarstjórnar umsnúist og gefið byggingu lúxuxíbúða forgang.

Félagasamtökin Markarholt fengu úthlutað lóð í Mörkinni í Sogamýri til bygginar þjónustuíbúða. Eftir erfiðleika í verkefninu var lóðinni hins vegar úthlutað til nýrra aðila en á óbreyttum forsendum. Greiddar voru 300 milljónir fyrir byggingarréttinn.

Í gær lagði borgarstjóri hins vegar til að kvöðum í samningunum um þjónustuíbúðir fyrir aldraða yrði aflétta og íbúðirnar mætti veðsetja og selja hverja og eina.

Að mati minnihlutans vekur þetta upp spurningar um stefnu meirihlutans í málefnum aldraðra.