Afbragðsveður það sem af er sumri

Veðrið leikur svo sannarlega við landsmenn, sunnan og vestanlands, þessa dagana og ekkert lát virðist vera á sólskinsstundum í bráð. Íslendingar grilluðu, átu, drukku og gerðu sér glaðan dag sem aldrei fyrr í síðasta mánuði, og er þessi mikla neyslugleði meðal annars rakin til góðviðris. Einungis eru fimm dæmi um meiri hita í júní síðustu 130 árin.

 

 

Íslenska þjóðin hefur svo sannarlega gert sér dagamun í góða veðrinu og tölur frá rannsóknarsetri verslunarinnar benda til þess að hún hafi borðað um sextán prósentum meira og drukkið um þrettán prósent meira áfengi en á sama tíma í fyrra. Svo sveiflur séu skoðaðar þá drukkum við um ríflega sextíu prósent meira áfengi í júní en í janúar. Aldrei hefur meira verið grillað og bjór og léttvínsneysla helst gjarnan í hendur við slíkar veislur.

 

 

Og ástæðan er fyrst og fremst góða veðrið en líka það að fimm helgar voru í júní nú en fjórar í fyrra. Það er jafnvel farið að bera á skorti á grillkjöti í verslunum. Þá var fleira fólk í miðborginni um helgar en í venjulegu ári.

 

 

Íslendingar hafa fjórum sinnum haft betra veður í júní síðustu hundrað og þrjátíu árin.

 

 

En blíðan lagðist jafnt yfir landsmenn í júní en gæðunum er meira misskipt það sem af er júlí.