Sjóður til styrktar augnlækningum

Stofnaður hefur verið sjóður til styrktar augnlækningadeild Landspítala-háskólasjúkrahúss en tilkynnt var um stofnun sjóðsins í dag. Það er Eignarhaldsfélag Samvinnutrygginga sem stendur á bak við sjóðinn og lagði félagið fram 25 milljónir króna í stofnfé.

Sjóðnum er ætlað að styrkja við tæknivæðingu augnlækninga hér á landi. Fyrsta verkefni sjóðsins verður að koma til móts við Landspítalann við uppbyggingu svokallaðs hornhimnubanka. Með bankanum skapast möguleikar að nokkrir tugir manna hér á landi fái verulega bót á sjóndepru sinni.

Stjórn sjóðsins skipa annars vegar Einar Stefánsson, prófessor, og hins vegar Helgi S. Guðmundsson og Benedikt Sigurðsson af hálfu stofnenda.