Utanríkisráðherra fundar með ráðherrum Afríkuríkja

Ingibjörg Sólrún Gísladóttir, utanríkisráðherra, tók þátt í setningu 9. leiðtogafundar Afríkusambandsins í Accra, höfuðborg Gana, um síðustu helgi. Áður hafði ráðherra sótt framkvæmdaráðsfund sambandsins dagana þar á undan. Ráðherra fundaði meðal annars með utanríkisráðherrum Eritreu, Eþíópíu, og Búrúndí.

Meðal þess sem rætt var á tvíhliða fundum utanríkisráðherra voru málefni Afríku almennt, tengsl Íslands og viðkomandi ríkja, þróunarsamvinna, öryggismál, staða kvenna og alþjóðaviðskipti.

Samkvæmt tilkynningu frá utanríkisráðuneytinu fundaði utanríkisráðherra alls með ráðherrum frá 22 Afríkuríkjum.