Vísa fullyrðingum Ögmundar á bug

Samtök sveitafélaga á Suðurlandi vísar á bug fullyrðingum Ögmundar Jónassonar, þingflokksformanns Vinstri-grænna, um að samskipti sveitarfélaga á Suðurlandi séu í uppnámi vegna sölu þeirra í Hitaveitu Suðurnesja.

Í fréttatilkynningu frá samtökunum segir að sveitarfélög á Suðurlandi taki sjálfstæðar ákvarðanir um sölu á eignarhlutum sínum í fyrirtækjum og sé það eðlilega án afskipta annarra sveitarfélaga og ætti að vera án afskipta þingmanna eða þingflokka.

„Stjórn SASS hefur fullvissu fyrir því að hér eftir sem hingað til muni ríkja traust og velvild milli sveitarfélaganna Vestmannaeyja og Árborgar, en bæði seldu þau sinn eignarhluta í HS. Stjórnin hefur þá trú að sala sveitarfélaganna á hlut þeirra, að andvirði 3800 m.kr., verði til að styrkja sveitarfélögin og þar með Suðurland allt," segir í tilkynningunni.