Öryggi vega kortlagt

Íslendingar ættu að geta skipulagt ferðir sínar um landið út frá öryggi vega innan skamms. Félag íslenskra bifreiðaeigenda og Umferðarstofa hafa gert úttekt á öryggi vega landsins og munu halda því áfram í sumar.

Samningur milli FÍB og Umferðarstofu vegna verkefnisins var undirritaður í dag. Verkefnið gengur út á að kortleggja vegi og gefa þeim stjörnur út frá öryggi þeirra. Verkefnið hófst á síðasta ári en og hefur fyrsta skýrslan verið birt sem felur í sér mat á nokkrum fjölförnum þjóðvegum.

Verkefnið er unnið undir merkjum EuroRAP sem eru samtök 25 bifreiðaeigendafélaga í jafnmörgum löndum Evrópu. Sambærilegar úttektir hafa verið unnar víða í Evrópu.