Britney í sambandi við ráðgjafann sinn?

Britney í sambandi við eiturlyfjaráðgjafann sinn?

Hin 25 ára Britney Spears heldur því fram að samband hennar og Johns Sundahls sé algerlega platónskt. Hennar fyrrverandi, Kevin Federline, heldur því hinsvegar fram að þau séu par, og að sögn National Enquirer er móðir hennar í skýjunum yfir nýja kærastanum.

Sundahl er 38 ára vellauðugur fasteignamógull sem var mælt með sem ráðgjafa við Britney þegar hún var í meðferð. The Scoop segir að þau hafi upprunalega hist til að ræða sporavinnu og önnur málefni hinna nýlega þurru, en samskiptin hafi fljótt þróast í innilegri átt.

Það er ekki hefðbundið fyrir meðferðaraðila að eiga í ástarsambandi við skjólstæðinga sína. Þó að Sundahl viðurkenni að hann hjálpi fíklum að ná bata hefur hann þverneitað að eiga í sambandi við Spears.

Móðir Britney, Lynne Spears, er að sögn heimildarmanna Enquirer, í skýjunum yfir ráðahagnum og heldur að þetta sé nákvæmlega það sem hún þarf á að halda til að koma lífi sínu á réttan kjöl.