Paris Hilton sleppt af heilsufarsástæðum

Paris Hilton er laus úr fangelsi.

Sýslumaðurinn í Los Angeles staðfesti á blaðamannafundi fyrir skömmu að erfinginn hefði verið flutt í stofufangelsi af heilsufarsástæðum.

Ekki fæst uppgefið hvað amar að henni.

Rafrænu eftirlitstæki var komið fyrir á ökkla Hilton og hún send heim, þar sem henni er gert að dveljast í 40 daga.

Hilton hafði dvalið í Lynwood fangelsinu í þrjá daga þegar hún var færð.

Steve Whitmore, talsmaður sýslumannsembættisins ítrekaði við blaðamenn að henni hefði ekki verið sleppt, heldur fyrirkomulagi afplánunarinnar breytt.

Hún myndi nú afplána 45 daga, eins og upphaflegi dómurinn hljóðaði upp á, en hann var styttur í 23 daga áður en hún hóf afplánun.