Aðdáendur Sparks æfir yfir athugasemdum um holdafar

MeMe Roth frá samtökunum National Action Against Obesity sagði í samtali við The Scoop að henni hafi verið hótað lífláti síðan hún sagði á Fox sjónvarpsstöðinni að Sparks væri of feit.

Sparks, sem er sautján ára, hefur verið hampað sem ímynd heilbrigðisins fyrir mjúkan og kvenlegan vöxt.

,,Þegar ég sé Jordin sé ég sykursýki, hjartasjúkdóma, of hátt kólesterol"sagði Roth. ,,Það er það sem er svo sorglegt - hún er ekki ímynd heilbrigðis, heldur heilsuleysis."

Roth segir einnit að hún dáist að Sparks fyrir sönghæfileika og opinn persónuleika, en bætir því við ,,aukakílóin endurspegli nútímaþjóðfélag og menningu þar sem heilsu barna okkar er stefnt í voða með óskynsamlegu vali á mat og hreyfingarleysi."