Töframaður sleppur naumlega

Töfrabragðið gekk út á að glerboxið var hulið steypu á meðan það hékk í 12 metra hæð með Angel innanborðs.

Búist var við að hann næði að losa sig innan sólarhrings og láta sig síga niður í reipi áður en kassinn félli til jarðar.

Sjónvarpsskjáir sýndu myndir af Angel berjast um inni í kassanum, sparkandi í veggina og felandi höfuðið í höndum sér.

Eins og áætlað var hrundi kassinn, tæp þrjú tonn af gleri, málmi og steypu, svo klukkan 7.30 að morgni að staðartíma en enginn sá Angel sleppa.

Áhorfendur þögnuðu og skipuleggjendur kölluðu á sjúkraliða, en Angel kom áhorfendum svo á óvart með að birtast á nálægum palli.

Angel neitaði að gefa upp hvernig hann slapp, en sagði að það yrði gefið upp í fyrsta þætti nýrrar þáttaraðar sem hann gerir fyrir A&E sjónvarpsstöðina.

Sjónhverfingamaðurinn er vel þekktur fyrir brögð sín en hann hefur í þáttum sínum meðal annars flogið, gengið á vatni og látið bíl keyra yfir sig meðan hann liggur á naglabretti.

Myndband af töfrabragðinu má sjá hér