Lohan leikur sér með hnífa

Kannski að hún Lindsay Lohan hafi haft gott af því að fara í meðferð.

Stjarnan drykkfellda skráði sig á dögunum í meðferð eftir að hún var tekin fyrir ölvunarakstur. Hún virðist hafa dundað sér við ýmislegt annað undir áhrifum, því nú ganga myndir af henni og vinkonu hennar í hnífaleik eins og eldur í sinu um netið.

Á myndunum sést Lohan meðal annars halda hníf að hálsi vinkonu sinnar Vannessu Minnillo. Þá togar Minnillo bol leikkonunnar niður og potar hnífnum í bera bringu hennar.

Talið er að myndirnar hafi verið teknar síðasta sumar, en talsmenn kvennanna neituðu að tjá sig.