Niles kominn út úr skápnum

Hyde Pierce, sem er betur þekktur sem Niles, bróðir geðlæknisins Fraser, er kominn út úr skápunum. Eða samt ekki alveg.

Pierce sem er 48 ára hefur aldrei rætt kynhneigð sína opinberlega, og ekki haft fyrir því að slá á vangaveltur um það hvers vegna hann sé enn ógiftur.

En hann kom upp um sig í löngu viðtali við CNN.com þar sem Pierce ræðir nýjustu verkefni sín. Aftarlega í viðtalinu útskýrir Pierce að hann hafi flutt til Los Angeles í upphafi tíunda áratugarins þegar maðurinn hans, Brian Hargrove fékk starf þar.

Talsmaður leikarans staðfestir að þeir séu ennþá par.