Sér grefur gröf

Hann varð svo reiður út í kærustuna sína eftir rifrildi að hann skildi hana eftir í bílnum á lestarteinum rétt utan við Los Angeles í gær. Rétt í því sem lestin kom æðandi. Hann stökk svo til hliðar og beið eftir að sjá bílinn tætast í sundur og kærustuna deyja.

Sagt er frá þessu í Los Angeles Times. Lestin ók vissulega á bílinn, á fullri ferð. En aftursveigð stuðgrind framan á henni þeytti bílnum til hliðar. Bíllinn skemmdist talsvert en kærastan slapp svotil ómeidd. Stuðarinn á lestinni þeytti bílnum hinsvegar til þeirrar hliðar sem kærastinn beið. Hann verður jarðsettur í næstu viku.