Hlýtur ein æðstu vísindaverðlaun Rússlands

Tilkynnt var í dag að Þorsteini Inga Sigfússyni, prófessor við Háskóla Íslands, verði veitt Alheimsverðlaunin Global Energy International Prize fyrir rannsóknir sínar í orkumálum. Formleg athöfn vegna tilnefningarinnar fer  fram á vegum rússneska sendiráðsins í dag.

Verðlaunin eru ein æðsta viðurkenning rússneska lýðveldisins fyrir vísindarannsóknir. Þeim er ætlað að styðja alþjóðlega samvinnu við lausn brýnustu orkuvandamála samtímans.

Þorsteinn er einn þriggja verðlaunahafa í ár og mun hann taka formlega við verðlaununum úr hendi Vladimirs Putins Rússlandsforseta í Pétursborg í júní.